Júlí fréttablað 

Unglingar úr vinnuskólanum

Í sumar eru 11 unglingar að vinna í leikskólanum fram að sumarfríi. Átta eru hálfan daginn og þrír eru allan daginn.   Þau eru Þóra Björg og Þórir á Álfaheimum, Anna María, Guðjón Axel, Stefanía Ásta og Jón Jökull á Hulduheimum, Halldór Rafn, Magnús Þór og Silwia á Tröllaheimum og á Dvergaheimum eru Sunna Ýr og Ómar Örn. Þau taka virkan þátt í daglegum störfum bæði úti og inni. Það er gaman að hafa  unglinga í vinnu og börnin eru mjög hrifin af þeim.

Grill og hjóladagur

Grill og hjóladagur tókst mjög vel, lögreglan hafði því miður ekki tök á að koma í heimsókn þennan hjóladaginn. Í hádeginu var svo boðið upp á grillaðar pylsur.  Það rættist úr veðrinu  og varð mjög hlýtt eftir hádegi.

Sumarfrí

Sumarfrí í leikskólanum er frá miðvikudeginum 7. júlí til 11. ágúst. Þann 11. ágúst verður starfsdagur og börnin mæti ekki þann dag en á þessum starfsdegi skipuleggja kennarar vetrarstarfið. Þann 12. ágúst mæta börnin í leikskólann. 

 Starfsmannahald

Eftir sumarfrí verða miklar tilfærslur á starfsfólki milli deilda og verður það kynnt betur þegar við komum aftur til starfa eftir sumarfrí. 

Póstkassi

Póstkassi er  á öllum deildum þar sem börnin geta komið með bréf/kort/myndir að heiman og sagt frá því hvað þau voru að gera. T.d  ef þau eru að fara í útilegur eða gera eitthvað skemmtilegt heima hjá sér um helgar sem þau vilja deila með hinum krökkunum. Þetta auðveldar yngstu börnunum að ræða um það sem þau hafa verið að gera.

 Merkingar á fatnaði og skóm

Enn og aftur þarf að minna foreldra á að merkja alla skó og útifatnað barnanna, s.s húfur, buff, vettlinga, regngalla.  Mikið er um að börnin séu í eins skóm og regngöllum og er nauðsynlegt að hafa þetta allt merkt.

Vikan 1.-2 júlí

Vikan 5.-6. júlí

Kveðja Dagný aðstoðarleikskólastjóri 

Bæjarstjórn Ölfus hefur samþykkt skólastefnu fyrir Sveitarfélagið Ölfus.

Smelltu hér til að skoða skólastefnuna.

 Júní fréttablað 

Tónlistarskólinn

Í maí heimsókn tónlistarskólans kom Robert Darling með nemendur sína þau Daníel Orra á althorn, Jakob Unnar á barítónhorn, Sigrún Sól á trompet, Sigrún Elfa á kornett og Birta einnig á kornett og Bergrún á klarinett. Þetta var síðasta heimsóknin í vetur og verður svo vonandi  framhald í haust  á þessum heimsóknum.

 Sumarskipulagið

Á hverri deild er hafið sumarskipulag og hefur það sjaldan verið vandaðra en mikil áhersla er lögð á vettvangsferðir og unnið með næsta nágrenni svokallaða grenndarkennslu. Verkefni verða færð eins mikið út og veður leyfir. 

 Samstarf við félagsstarf eldriborgara

Í maí komu á  þær Erla Markúsdóttir  á  Álfaheima  sagði sögur og á Dvergaheima  Hólmfríður A Jónsdóttir og las skemmtilega bók um litina. Sama dag fór hópur af Tröllaheimum  á 9-una og hitti Hilmar sem sagði þeim skemmtilegar sögur og sýndi þeim ýmislegt dót.

Gjöf frá foreldrafélaginu

Á vorhátíðinni gaf  Foreldrafélag Leikskólans Bergheima flotta gjöf en það er viðbót við numicon sem við  eigum. En fyrir þá sem ekki vita er numicon  stærðfærði kennsluefni sem notað er í Bergheimum. Þökkum við kærlega fyrir þessa góðu gjöf.

 Heimsókn í grunnskólann

Börnin sem eru að fara á Hulduheima í sumar var boðið í mat í grunnskólanum þann 19. maí. gekk sú heimsókn mjög vel. Inga og Guðfinna matráðskonur í skólanum tóku á móti þeim en kennararnir á Tröllaheimum fylgdu þeim og voru með þeim á meðan heimsóknin var.

 3. bekkur Grunnskólans í Þorlákshöfn heimsækir Bergheima

Nemendur úr 3 bekk ásamt kennara sínum Önnu Sólveigu Ingvadóttur heimsóttu leikskólann í þeim tilgangi að lesa fyrir leikskólanemendur. En þetta er hluti af grenndarkennslu  tókst þetta vel og er  áhugi  fyrir því að reyna að gera þetta aftur. Mikil fjölskyldutengsl komu í ljós í þessari heimsókn og áttu fleiri en færri systkini í leikskólanum, eða þá mömmu eða ömmu.

Ný börn

Aðlögun nýrra barna er hafin og stendur hún til haustins, mikið er um að elstu börnin hætta ekki fyrr en um sumarfrí því er ekki hægt að taka ný börn inn fyrr en eftir sumarfrí. 

Sólarvörn

Þegar sólin skín  er nauðsynlegt að foreldrar beri sólarvörn á börnin sín áður en þau koma í leikskólann og gott er hafa sólarvörn í leikskólatöskunni svo hægt sé að bera aftur  á börnin eftir þörfum.

Tilkynna frí

Mikilvægt er að tilkynna alltaf þegar börnin eru í fríi eða eru veik. Þarf þá  ekki að bíða eftir þeim ef verið er að fara í gönguferðir eða í aðrar vettvangsferðir.

Fundur vegna barna sem eru fædd 2005

Fundur var með foreldrum barna sem eru fædd 2005 og eru að flytjast í Hulduheima sem er staðsett í grunnskólanum.    Skilafundur, milli skólastiga, fór fram 18. maí og skilaði deildarstjóri til væntanlegs kennara fyrstabekkjar upplýsingnum er málið varða um verðandi fyrstu bekkinga.

 Starfsfólk að útskrifast

Svala Ósk Sævarsdóttir útskrifaðist sem leikskólaliði frá Borgarholtsskóla 21. maí sl. og óskum við henni innilega til hamingjuHelena Jóhannsdóttir mun útskrifast frá Háskólanum frá Akureyri 13 júní nk.

Lambaferð

Börnin fengu að heimsækja þau Garðar og Diddu í hesthúsið þeirra og skoða þar nýborin lömb og klappa honum Sokka hestinum hans Garðars.Færum við þeim bestu þakkir fyrir það að leyfa okkur að koma. 

Leikskólabörn syngja

Áætlað er að börnin syngi við opnun ljósmynda sýningar við Selvogsbrautina þann 2. júní kl 10.30.

Hundasteinn

Hundaeigendur athugið að þrífa upp eftir hundanna ykkar við hundasteininn.

Hjóla- og grilldagur

Hjóla- og grilldagur verður haldin áður en leikskólinn fer í frí og verður notaður einhvern góðvirðisdagurinn í hann. Börnin mæta með hjólin sín og hjálm, í hádeginu verða grillaðar pylsur handa öllum.  Verður hann auglýstur með dags fyrirvara.

Sumarfrí

Sumarfrí í leikskólanum er frá miðvikudeginum 7. júlí til 11. ágúst. Þann 11. ágúst verður starfsdagur og mæta börnin ekki þann dag en á þessum starfsdegi skipuleggja kennarar vetrarstarfið. Þann 12. ágúst mæta börnin í leikskólann.  

Vikan 1.júní-4. júní.

Vikan 7.júní -11. júní.

Vikan 14. júní -18. júní

Vikan 21. júní -25. júní

Vikan 28. júní -30. júní

Til íbúa Ölfuss

Drög liggja nú fyrir að skólastefnu Sveitarfélagsins Ölfuss. Starfshópur sem skipaður var af bæjarstjórn í október á síðasta ári hefur unnið þau í góðu samráði við fjölmarga hagsmunaaðila skólamála. Drögin eru hér með birt á heimasíðu sveitarfélagsins, Grunnskólans í Þorlákshöfn og Leikskólans Bergheima og er unnt að senda inn athugasemdir og ábendingar til 2. júní nk. á netföngin Þetta netfang er varið fyrir ruslpósti, þú þarft að hafa Javascript virkt til að skoða það og Þetta netfang er varið fyrir ruslpósti, þú þarft að hafa Javascript virkt til að skoða það

Smellið hér til að skoða drögin.